ମାର୍ଚ୍ଚ ୨୮:

ପାକିସ୍ତାନ ଆତଙ୍କବାଦୀଙ୍କୁ ସମର୍ଥନ କରୁଥିବା ସମସ୍ତେ ଜାଣନ୍ତି । କିଛି ଦିନ ପୂର୍ବରୁ ମାସୁଦ ଅଜହରକୁ ସଂଯୁକ୍ତ ରାଷ୍ଟ୍ରର ବିଶ୍ୱ ଆତଙ୍କବାଦୀ ଘୋଷଣା କରିବାରେ ଚୀନ ଭିଟୋ ବ୍ୟବହାର କରି ବାଧା ଦେଇଥିଲା । ଚୀନ ମଧ୍ୟ ମାସୁଦକୁ ସମର୍ଥନ କରୁଥିବା ସ୍ପଷ୍ଟ ଜଣାପଡ଼ିଥିଲା । ଏବେ ପାକିସ୍ତାନ ଉପରେ ଭାରତର ଚାରିପଟୁ ଚାପ ପଡ଼ିବାରୁ ମୁଣ୍ଡ ନୁଆଁଇ ମାସୁଦକୁ ଆଉ ରକ୍ଷା ନକରିବାକୁ ଚୀନକୁ କହିଥିବା ସୂଚନା ମିଳିଛି ।

ସବୁ ଦେଶ ମାସୁଦକୁ ବିଶ୍ୱ ଆତଙ୍କବାଦୀଙ୍କ ନାମ ମଧ୍ୟରେ ସାମିଲ କରିବାକୁ ଚାହୁଁଛନ୍ତି । ପୁଲୱାମା ଆତ୍ମଘାତୀ ଆକ୍ରମଣର ଦାୟିତ୍ୱ ମୁଖ୍ୟ ଆତଙ୍କବାଦୀ ମାସୁଦ ଅଜହର ନେଇଥିଲା । ସେଥିରେ ଭାରତର ୪୦ଜଣ ସିଆରପିଏଫ ଯବାନ ସହିଦ ହୋଇଥିଲେ । ପାକିସ୍ତାନ ଉପରେ ସବୁ ଦେଶର ଚାପ ପଡ଼ିଛି । ମାସୁଦକୁ ବିଶ୍ୱ ଆତଙ୍କବାଦୀ ତାଲିକା ଅନ୍ତର୍ଭୁକ୍ତ କରିବାକୁ ସବୁ ଦେଶ ଚାହୁଁଛନ୍ତି । ତେଣୁ ଏବେ ପାକିସ୍ତାନକୁ ମୁଣ୍ଡ ନୁଆଇବାକୁ ପଡ଼ିଛି । ବର୍ତ୍ତମାନ ଏଣିକି ମାସୁଦର ସାଥ ନଦେଇ ତାକୁ ବଂଚାଇବାକୁ ଚେଷ୍ଟା ନକରିବାକୁ ପାକିସ୍ତାନ ଚୀନକୁ କହିଛି । ଏହା ଦ୍ୱାରା ପାକସ୍ତାନ ଭାରତ ସହ କଥାବାର୍ତ୍ତା ହେବା ପାଇଁ ସୁଯୋଗ ବି ପାଇପାରିବ ।

ଆମେରିକା ମଧ୍ୟ ମାସୁଦ ଅଜହର ମାମଲାରେ ସଂଯୁକ୍ତ ରାଷ୍ଟ୍ର ମହାସଭାରେ ବିଚାର କରିବ ଯେଉଁଠାରେ ଚୀନକୁ ଅପଦସ୍ତ ହେବାକୁ ପଡ଼ିପାରେ । ୟୁଏନ ବିଶ୍ୱ ଆତଙ୍କବାଦୀ ଭାବରେ ଘୋଷଣା ଭାରତ ଓ ଆମେରିକାର ଦ୍ୱିପାକ୍ଷିକ ସମ୍ପର୍କ ଜଡ଼ିତ ନୁହେଁ ବୋଲି ଆମେରିକା ଚୀନକୁ କହିଥିବା ଜଣାପଡ଼ିଛି । ମାସୁଦ ଅଜହରକୁ ବିଶ୍ୱ ଆତଙ୍କବାଦୀରେ ସାମିଲ ହେବାରୁ ବଂଚାଇବାକୁ ଚୀନ ଚତୁର୍ଥ ଥର ଭିଟୋ ବ୍ୟବହାର କରିଥିଲା । ଏହା ପାଇଁ ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦ ତିନି ପ୍ରମୁଖ ଦେଶ ବିଶିଷ୍ଟ କାରଣ ପାଇଁ ଦୁଇ ସପ୍ତାହ ସମୟ ଦେଇଥିଲେ ଯାହା ବର୍ତ୍ତମାନ ଶେଷ ହେବାକୁ ଯାଉଛି ।

ମାର୍ଚ୍ଚ ୨୮:ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦରେ ପୁଣି ଆତଙ୍କବାଦୀ ମାସୁଦ ଆଜହର ବିରୋଧରେ ପ୍ରସ୍ତାବ ଆଗତ କରାଯାଇଛି । ଏହି ପ୍ରସ୍ତାବ ଆମେରିକା, ଫ୍ରାନ୍ସ ଏବଂ ବ୍ରିଟେନ ଦ୍ୱାରା ଆଗତ ହୋଇଛି ।ଏହି ଆତଙ୍କବାଦୀ ପାକିସ୍ତାନ ସ୍ଥିତ ଜୈଶ-ଏ-ଅହମ୍ମଦର ମୁଖିଆ ହେବା ସହ ପୁଲୱାମା ଆକ୍ରମଣର ମାଷ୍ଟରମାଇଣ୍ଡ ।ଗତକାଲି ଏହି ପ୍ରସ୍ତାବ ୟୁଏନରେ ଆଗତ ହୋଇଛି । ଏହା ପୂର୍ବରୁ ଚୀନ ନିଜର ଭିଟୋ ବ୍ୟବହାର କରି ମାସୁଦକୁ ରକ୍ଷା କରିଥିଲା । ଯେଉଁ ପ୍ରସ୍ତାବରେ ମାସୁଦକୁ କଳାତାଲିକାଭୁକ୍ତ ସହ ବିଶ୍ୱ ଆତଙ୍କବାଦୀ ଘୋଷଣା କରିବାକୁ ଦାବି କରାଯାଇଥିଲା ।ଭାରତୀୟ ଅଧିକାରୀଙ୍କ ସୂଚନା ମୁତାବକ, ଭାରତ ମିଳିତ ଜାତିସଙ୍ଘର ସୁରକ୍ଷା ପରିଷଦର ପ୍ରତିବନ୍ଧିତ କମିଟି ସହିତ ମାସୁଦକୁ ବିଶ୍ଵ ଆତଙ୍କୀ ଘୋଷିତ କରିବା ଉପରେ ଏବେ ମଧ୍ୟ ପ୍ରୟାସ ଜାରି ରହିଛି। ସୂତ୍ର ମୁତାବକ ଭାରତ ଏହି ମାମଲାରେ ଯେତେ ସମ୍ଭବ, ସେତିକି ସଂଯମ ରକ୍ଷା କରିବ। ଆଶା କରୁଛୁ ଶୀଘ୍ର ଏଥିରେ ସଫଳ ହେବୁ। କାରଣ ଆମ ପାଖରେ ୧୪ ସଦସ୍ୟଙ୍କ ସମର୍ଥନ ରହିଛି।ଆମେରିକା, ଫ୍ରାନ୍ସ ଓ ବ୍ରିଟେନ ଏବେ ଚୀନ ସହିତ ବିସ୍ତୃତ ଭାବେ ସକରାତ୍ମକ ଆଲୋଚନା କରୁଛନ୍ତି, ଯେମିତି ଆତଙ୍କୀ ସଂଗଠନ ଜୈଶ ଇ ମହମ୍ମଦର ମୁଖ୍ୟ ମାସୁଦ ଆଝାରକୁ ବିଶ୍ଵ ଆତଙ୍କୀ ଘୋଷିତ କରିବାକୁ ନେଇ କୌଣସି ଚୁକ୍ତି କରାଯାଇ ପାରିବ।ଉଲ୍ଲେଖଯୋଗ୍ୟ, ଚୀନ ଆଝାରକୁ ବିଶ୍ଵ ଆତଙ୍କବାଦୀ ଘୋଷିତ ସମ୍ବନ୍ଧରେ ମିଳିତ ଜାତିସଂଘର ସୁରକ୍ଷା ପରିଷଦରେ ଉପସ୍ଥାପିତ ପ୍ରସ୍ତାବ ଉପରେ ଚୀନ ଭିଟୋ କ୍ଷମତାର ପ୍ରୟୋଗ କରି ଆଝାରକୁ ବିଶ୍ଵ ଆତଙ୍କୀ ଘୋଷିତ କରିବାରେ ବାଟ ଓଗାଳିଥିଲା। ଏହି ପ୍ରସ୍ତାବକୁ ଆମେରିକା, ଫ୍ରାନ୍ସ ଓ ବ୍ରିଟେନ୍ ଉପସ୍ଥାପନ କରିଥିଲେ।

ପୁଲୱାମା ଆତଙ୍କବାଦୀ ଆକ୍ରମଣ ପରେ ପାକିସ୍ତାନକୁ ନେଇ ସାରା ଭାରତରେ ରହିଛି ତୀବ୍ର ଅସନ୍ତୋଷ । ପାକିସ୍ତାନରେ ରହି ଭାରତରେ ରକ୍ତର ହୋଲି ଖେଳୁଥିବା କୁଖ୍ୟାତ ଆତଙ୍କବାଦୀ ତଥା ଆତଙ୍କବାଦୀ ସଂଗଠନ ଜୈସ-ଇ-ମହମ୍ମଦର ମୁଖ୍ୟ ମସୁଦ ଅଝାରକୁ ଆଇନର ଫାସରେ ପକାଇବାକୁ ଜୋରଦାର ଉଦ୍ୟମ କରୁଛି ନୂଆଦିଲ୍ଲୀ । ଆଉ ଭାରତର ଏହି ଉଦ୍ୟମକୁ ବିଶ୍ୱର ଅନେକ ରାଷ୍ଟ୍ରଙ୍କ ସମର୍ଥନ ରହିଛି । ଜାତିସଂଘ ସୁରକ୍ଷା ପରିଷଦରେ ମାସୁଦକୁ ଅନ୍ତର୍ଜାତୀୟ ଆତଙ୍କବାଦୀ ଘୋଷଣା ପ୍ରସ୍ତାବ ଉପରେ ଚୀନ୍ ତାର ପାକିସ୍ତାନ ପ୍ରୀତି ଦେଖାଇ 'ଭିଟୋ' ପ୍ରୟୋଗ ପରେ ପ୍ରକ୍ରିୟା ଉପରେ ବଡ ଝଟକା ଲାଗିଛି ।
ଚୀନର ଏଭଳି ବ୍ୟବହାରରେ ଦେଶସାରା ଆକ୍ରୋଶର ବହ୍ନି ଜଳୁଛି । ଏବେ ପାକିସ୍ତାନ ସମେତ ଚୀନକୁ ମଧ୍ୟ ଦେଶବାସୀ ଭାରତ ସୁରକ୍ଷାର ଶତ୍ରୁ ବୋଲି ଭାବିବା ସହ ଚୀନକୁ ଉଚିତ୍ ଜବାବ୍ ଦେବାକୁ ଚାହୁଁଛନ୍ତି । ଏହି କ୍ରୋଧକୁ ଜାହିର କରିବାକୁ ଯାଇ ୭ କୋଟି ବ୍ୟବସାୟୀଙ୍କ ପ୍ରତିନିଧିତ୍ୱ କରୁଥିବା କନଫେଡରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (କେଟ୍) ଅନ୍ତର୍ଗତ ୪୦ ହଜାରରୁ ଅଧିକ ବ୍ୟବସାୟୀ ସଂଗଠନ ଚୀନ୍ ସାମଗ୍ରୀକୁ ବହିଷ୍କାର କରିବା ପାଇଁ ଆହ୍ୱାନ ଦେଇଛନ୍ତି ।
କେଟ୍ ହୋଲି ଅବସରରେ ଆଗାମୀ ୧୯ ମାର୍ଚ୍ଚରେ ଦେଶସାରା ଚୀନ୍ ସାମଗ୍ରୀକୁ ପୋଡ଼ିବା ପାଇଁ ଘୋଷଣା କରିଛି । ରାଜଧାନୀ ଦିଲ୍ଲୀରେ ଏହି ଚାଇନା ମାଲ୍ ପୋଡ଼ି ଅନୁଷ୍ଠିତ ହେବ । ଏଥି ସହ ଦେଶ ସାରା ୧୫୦୦ ସ୍ଥାନରେ ଚୀନ୍ ସାମଗ୍ରୀକୁ ଜଳାଯିବ । କେଟ୍ ତରଫରୁ ସରକାରଙ୍କୁ କୁହାଯାଇଛି ପ୍ରଥମ ପର୍ଯ୍ୟାୟରେ ଚୀନରୁ ଆସୁଥିବା ସାମଗ୍ରୀ ଉପରେ ୩୦୦ ରୁ ୫୦୦ ପ୍ରତିଶତ କଷ୍ଟମ୍ ଡ୍ୟୁଟି ଲଗାଯାଉ । କେଟ୍ ତରଫରୁ ସରକାରଙ୍କୁ ପ୍ରସ୍ତାବ ଦିଆଯାଇଛି କି ଯେ ଚୀନ୍ କଞ୍ଚାମାଲ୍ ଏବଂ ପ୍ରଡକ୍ଟ ଉପରେ ଧ୍ୟାନ ନ ଦେଇ ଭାରତର ଘରୋଇ ଉଦ୍ୟୋଗ ଉପରେ ସରକାର ସ୍ୱେଶାଲ୍ ପ୍ୟାକେଜ୍ ଦିଅନ୍ତୁ ।

ଫ୍ରାନ୍ସ ସରକାରଙ୍କର ଶକ୍ତ ପଦକ୍ଷେପ ଉଠାଇ ଜୈଶ-ଏ-ମୋହମ୍ମଦ (JEM) ର ସଂସ୍ଥାପକ ମସୂଦ ଆଜାହରର ସଂପତ୍ତି ଜବତ କରିବାପାଇଁ ନିଷ୍ପତି ନେଇଛନ୍ତି।
ଫ୍ରାନ୍ସ ଆନ୍ତରିକ ମନ୍ତ୍ରଣାଳୟ, ଅର୍ଥ ମନ୍ତ୍ରଣାଳୟ ଏବଂ ବିଦେଶ ମନ୍ତ୍ରଣାଳୟ ଦ୍ଵାରା ଜାରୀ ଏକ ସଂଯୁକ୍ତ ବିଜ୍ଞପ୍ତିରେ କୁହାଯାଇଛି କି ଫ୍ରାନ୍ସ ମସୁଦ ଆଝାରକୁ ୟୁରୋପୀୟ ୟୁନିୟନର ଆତଙ୍କବାଦୀ ସୂଚୀରେ ସାମିଲ କରିବା ଉପରେ ଚର୍ଚ୍ଚା କରିବ।
ଭାରତରେ ଆକ୍ରମଣ କରିଥିବା ଆତଙ୍କବାଦୀ ସଂଗଠନଗୁଡ଼ିକ ବିରୁଦ୍ଧରେ କାର୍ଯ୍ୟାନୁଷ୍ଠାନ କରିବା ପାଇଁ ବିଶ୍ୱର ଅନେକ ରାଷ୍ଟ୍ର ପାକିସ୍ଥାନ ଉପରେ ଚାପ ପକାଉଛନ୍ତି, ଯେଉଁଥିରେ ଜୈଶ-ଏ-ମୋହମ୍ମଦ ମଧ୍ୟ ସାମିଲ ଅଛି, ଯେଉଁ ଆତଙ୍କବାଦୀ ସଂଗଠନ ପୁଲବାମାରେ ୧୪ ଫେବ୍ରୁଆରୀରେ ଆକ୍ରମଣ କରିବାରେ ନିଜକୁ ଦାୟୀ କରିଥିଲା। ଏହି ଆକ୍ରମଣରେ ୪୪ ଜଣ ଭାରତୀୟ ଅର୍ଧସୈନିକ ସହୀଦ ହୋଇଥିଲେ।

ଜାତିସଙ୍ଘ ରେ ଚୀନର ଦାଦାଗିରି

ଜାତିସଙ୍ଘ ରେ ଚୀନର ଦାଦାଗିରି । ପୁଲବାମା ଆଟେକ ପରେ ସାରା ବିଶ୍ୱରେ ଜେସ ଏ ମହମ୍ମଦ ର ମୁଖ୍ୟ ମସୂଦ ଅଜହର ର ଆତଙ୍କବାଦୀ କାର୍ଯ୍ୟକଳାପ ସ୍ପଷ୍ଟ ହୋଇସାରିଛି । କିନ୍ତୁ ଚୀନ ଲଗାତାର ବଞ୍ଚାଇ ଚାଲୁଛି ଏହି ପାକିସ୍ତାନ ପାଳିତ ଆତଙ୍କବାଦୀ ମସୁର ଅଜହର କୁ । ଗତ ରାତି ରେ ଆମେରିକା , ବ୍ରିଟେନ , ଫ୍ରାନ୍ସ ଭଳି ଶକ୍ତିଶାଳୀ ଦେଶ ଗୁଡିକ ର ପ୍ରସ୍ତାବ ରେ ଲଗାତାର ଚତୁର୍ଥ ଥର ବିଟୋ ପ୍ରୟୋଗ କରିଛି ଚୀନ । ଭାରତରେ ଆତଙ୍କବାଦୀ କାର୍ଯ୍ୟକଳାପ କରୁଥିବା ବ୍ୟକ୍ତି ଏବଂ ସଂଗଠନ କୁ ପାକିସ୍ତାନ ଆର୍ଥିକ ଏବଂ ଅନ୍ୟାନ୍ୟ ସାହାଯ୍ୟ ଦେଇ ପାଳି ଆସୁଛି । ପାକିସ୍ତାନ ଏବଂ ଆତଙ୍କବାଦୀଙ୍କ ସାହସ କୁ ବଢାଇ ଅଛି ଚୀନ । ଭାରତବାସୀଙ୍କୁ ଜାଣିବାକୁ ହେବ ଯେ ଚୀନ ମଧ୍ୟ ହେଇଉଛି ଏକ ବଡ଼ କଣ୍ଟା ଯିଏ ଭାରତ ବିରୋଧରେ ଆତଙ୍କ କୁ ପ୍ରଶ୍ରୟ ଦେଉଛି । ଚୀନ ସହିତ ଭାରତ ପ୍ରତ୍ୟକ୍ଷ ଲଢେ଼ଇ କରି ପାରିବ ନାହିଁ କିନ୍ତୁ ଚୀନ ବିରୋଧ ରେ ଆର୍ଥିକ ଲଢେଇ ଲଢ଼ି ପାରିବ । ଭାରତ ସରକାର ଉପରେ ଚିନର କୋଟି କୋଟି ଟଙ୍କା ଋଣ ବୋଝ ରହିଛି ଏବଂ ବିଭିନ୍ନ ପ୍ରକାର ଅନ୍ତର୍ଜାତୀୟ କଟକଣା ରହିଛି ଯାହାଦ୍ୱାରା ଭାରତ ସରକାର ପ୍ରତ୍ୟକ୍ଷ ଭାବେ ଚୀନ ବିରୋଧ ରେ କିଛି କରିବା ସମ୍ଭବ ନୁହେଁ । କିନ୍ତୁ ଆମେ 125 କୋଟି ଭାରତବାସୀ ସ୍ୱାଧୀନ ଅଟୁ , ଆମେ ସମସ୍ତେ ମିଳିମିଶି ଚୀନ କୁ ଆର୍ଥିକ ବହିଷ୍କାର କରି ପାରିବା । ଚୀନ ରେ ତିଆରି ସାମାନ ଆଜି ଭାରତର ଘରେ ଘରେ ପଶି ସାରିଛି ଏବଂ ସାମାନ ଜରିଆରେ ଚୀନ ଭାରତର ସମସ୍ତ କାର୍ଯ୍ୟକଳାପ ଉପରେ ନଜର ରଖିଛି । ଆମେ ଜାଣି ରଖିବା ଜରୁରୀ ଯେ ଆମେ ବ୍ୟବହାର କରୁଥିବା ଚୀନ ରେ ତିଆରି ମୋବାଇଲ ଏମ ଆଇ , ଅପ୍ପୋ , ବିଵୋ , ଜିଓ ଫୋନ ଏବଂ ଚୀନ ରେ ତିଆରି ହୋଇଥିବା ଆପ ୟୁ ସି ବ୍ରାଉଜର , ପେଟିଏମ ଇତ୍ୟାଦି ଆମର ସମସ୍ତ ପ୍ରକାର କାର୍ଯ୍ୟକଳାପ କୁ ରେକର୍ଡ କରୁଛନ୍ତି । ତେଣୁ ସାବଧାନ ଜନତା ନିଜେ ଦେଶ ପାଇଁ ଲଢ଼ିବା ପାଇଁ ପ୍ରସ୍ତୁତ ରୁହନ୍ତୁ ।

ଆଜି ଆମେରିକା , ଇଂଲଣ୍ଡ ଏବଂ ଫ୍ରାନ୍ସ ମିଶି ମିଳିତ ଜାତିସଂଘ ସୁରକ୍ଷା ପରିଷଦ ରେ ଏକ ପ୍ରସ୍ତାବ ଆଗତ କରିବେ ଯେଉଁଥିରେ କୁହାଯାଇଛି ପାକିସ୍ତାନ ରେ ରହୁଥିବା ଜେସ ର ମୁଖ୍ୟ  ମସୂଦ ଅଜହର କୁ ଅନ୍ତର୍ଜାତୀୟ ଆତଙ୍କବାଦୀ ଘୋଷିତ କରାଯାଉ । ଆଉ ମଧ୍ୟ ଆମେରିକା କହୁଛି ଯେ ମସୂଦ ଅଜହର ପାଖରେ ଏହାର ପୁର୍ଣ ଯୋଗ୍ୟତା ରହିଛି । ଏହା ଆଗରୁ 3 ଥର ପ୍ରସ୍ତାବ ଦିଆଯାଇଥିଲା ଯେଉଁଥିରେ ଚୀନ ବିଟୋ ପ୍ରୟୋଗ କରି ପ୍ରସ୍ତାବ କୁ ଖାରଜ କରିଥିଲା । କିନ୍ତୁ ଏଥର ଚୀନ କୁ ମଧ୍ୟ ପ୍ରସ୍ତାବ ସପକ୍ଷରେ ବୋଟ ଦେଇପାରେ ବୋଲି ଆଶା କରାଯାଉଛି ।

ଡବ୍ଲ୍ୟୁ-ଡବ୍ଲ୍ୟୁ-ଡବ୍ଲ୍ୟୁ(ଓ୍ବାଲର୍‌ଡ ଓ୍ବାଇଡ୍‌ ଓ୍ବେବ୍‌)କୁ ମଙ୍ଗଳବାର ୩୦ ବର୍ଷ ପୂରଣ ହୋଇଛି। ୧୯୮୯ ମାର୍ଚ୍ଚ ୧୨ରେ ଏହାର ସ୍ଥାପିତ ହୋଇଥିଲା। ଏନେଇ ଗୁଗଲ୍‌ ପକ୍ଷରୁ ଏକ ସ୍ବତନ୍ତ୍ର ଡୁଡଲ୍‌ ପ୍ରସ୍ତୁତ କରାଯାଇଛି। ଏଭଳି ଓ୍ବେବସାଇଟ୍‌ ସହିତ ସର୍ଚ୍ଚ ଇଞ୍ଜିନ୍‌ ଗୁଗଲ୍‌ ମିଳିତ ଭାବେ କାର୍ଯ୍ୟ କରି ବେଶ୍‌ ସଫଳତା ହାସଲ କରିପାରିଛି। ଇଣ୍ଟରନେଟ୍‌ ଅନେକ ପୂର୍ବରୁ ଆସିଥିଲେ ମଧ୍ୟ ଡବ୍ଲ୍ୟୁ-ଡବ୍ଲ୍ୟୁ-ଡବ୍ଲ୍ୟୁ ଆସିବା ପରେ ଏହାର ଗୁରୁତ୍ୱ ଯଥେଷ୍ଟ ବୃଦ୍ଧି ପାଇଥିଲା। ଏହାକୁ ଇଂଲଣ୍ଡ ବାସିନ୍ଦା ଟିମ୍‌ ବର୍ନର ପ୍ରସ୍ତୁତ କରିଥିଲେ। ଦୁନିଆର ପ୍ରଥମ ଓ୍ବେବ ସାଇଟ୍‌ https://info.cern.ch/ hypertext/ WWW/ TheProject.html ୧୯୯୧ ଅଗଷ୍ଟ ୬ରେ ପବ୍ଲିଶ୍‌ ହୋଇଥିଲା।

ପାକିସ୍ତାନର ଗୋଇନ୍ଦା ଆଇଏସଆଇ ସମର୍ଥିତ ଖାଲିସ୍ତାନମାନେ ବ୍ରିଟେନରେ ଥିବା ଭାରତୀୟଙ୍କ ଉପରେ ଆକ୍ରମଣ କରିଥିବା ସୂଚନା ମିଳିଛି । ଶନିବାର ଦିନ ବ୍ରିଟେନ୍‌ରେ ଥିବା ଭାରତୀୟମାନେ ଭାରତୀୟ ଉଚ୍ଚାୟୁକ୍ତ ବାହାରେ ଶାନ୍ତିପୂର୍ଣ୍ଣ ଭାବେ ପ୍ରଦର୍ଶନ କରୁଥିଲେ । ସେହି ସମୟରେ ସେମାନଙ୍କ ଉପରେ ଆକ୍ରମଣ ହୋଇଥିଲା। ଆକ୍ରମଣକାରୀମାନେ ମୁଣ୍ଡରେ ସିଖମାନଙ୍କ ପଗଡି ପିନ୍ଧିଥିଲେ । ସେମାନେ 'ନାରା-ଏ-ତକ୍‌ବୀର' ଓ 'ଅଲ୍ଲାହ-ଉ-ଅକବର' ନାରା ଦେଉଥିଲେ ।

ସୂଚନା ଅନୁଯାୟୀ, ଉଚ୍ଚାୟୁକ୍ତ ସମ୍ମୁଖରେ କାଶ୍ମୀର ଓ ଖାଲିସ୍ତାନ ସମର୍ଥକ ଭାରତ ବିରୋଧୀ ନାରା ଦେଉଥିବା ବେଳେ ଅନ୍ୟ ଦଳ ମୋଦିଙ୍କ ସମର୍ଥନରେ ନାରା ଲଗାଉଥିଲେ । ଏହି ସମୟରେ ଉଭୟ ଦଳ ମଧ୍ୟରେ ସଂଘର୍ଷ ଆରମ୍ଭ ହୋଇଥିଲା । ସେମାନଙ୍କ ମଧ୍ୟରୁ ଜଣଙ୍କୁ ଗିରଫ କରାଯାଇଥିଲା ପରେ ତାଙ୍କୁ ଛାଡି ଦିଆଯାଇଥିଲା। ସେହି ବ୍ୟକ୍ତି ବିରୋଧରେ କୌଣସି କାର୍ୟ୍ୟାନୁଷ୍ଠାନ ନିଆଯାଇନାହିଁ । ଏହି ସଂଘର୍ଷରେ କେହି ମୃତାହତ ହୋଇଥିବା ଜଣାପଡି ନାହିଁ ବୋଲି ମେଟ୍ରୋପୋଲିଟନ ପୁଲିସ ସୂତ୍ରରୁ ସୂଚନା ମିଳିଛି ।

ଏଡି ଘଟଣାର ଭିଡିଓ ଓ ଫଟୋ ବହୁଳ ମାତ୍ରାରେ ଭାଇରାଲ ହେବାରେ ଲାଗିଛି । ଦ୍ୱିତୀୟ ପକ୍ଷଲୋକ ଯୋଜନାବଦ୍ଧ ଭାବେ ଆକ୍ରମଣ କରିଛନ୍ତି ବୋଲି ଉଚ୍ଚାୟୁକ୍ତ ବାହାରେ ଶାନ୍ତିପୂର୍ଣ୍ଣ ଭାବରେ ପ୍ରଦର୍ଶନ କରୁଥିବା ଭାରତୀୟ ଲୋକମାନେ କହିଛନ୍ତି ।