କଟକ: କଟକ ଦରଘା ବଜାରରେ ଥିବା ବିଗ୍ ବଜାରରେ ବଡ଼ ଧରଣର ଅଗ୍ନିକାଣ୍ଡ ଘଟିଛି। ବିଗ୍ ବଜାରର ଚତୁର୍ଥ ମହଲାରେ ଥିବା ଏକ ଡ୍ୟାନ୍ସ ବାର୍ରେ ଗତକାଲି ବିଳମ୍ବିତ ରାତିରେ ନିଆଁ ଲାଗି ଯାଇଥିଲା। ୩ଟି ଦମକଳ ଗାଡ଼ି ପ୍ରାୟ ୫ଘଣ୍ଟା ଧରି ପରିଶ୍ରମ କଲା ପରେ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ।
ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇ ନଥିଲେ ମଧ୍ୟ ଏସିରୁ ସର୍ଟ ସର୍କିଟ ହୋଇ କିମ୍ବା ସିଗାରେଟ୍ରୁ ଏହି ନିଆଁ ଲାଗଥିବା ଅନୁମାନ କରାଯାଉଛି।
ଏହି ଅଗ୍ନିକାଣ୍ଡ ବେଳେ ବିଗ୍ ବଜାର କୋଠାରେ କେହି ଥିଲେ କି ନାହିଁ, ତାହା ସ୍ପଷ୍ଟ ହୋଇନାହିଁ। ଏଥିସହ ସେଠାରେ ଥିବା ଅଗ୍ନିନିର୍ବାପକ ବ୍ୟବସ୍ଥା ଠିକ୍ ଭାବେ କାର୍ଯ୍ୟ କରୁଥିଲା କି ନାହିଁ, ତାହା ତଦନ୍ତ ପରେ ହିଁ ଜଣାପଡ଼ିବ ବୋଲି ଜଣେ ଅଗ୍ନିଶମ ଅଧିକାରୀ କହିଛନ୍ତି।
No comments:
Post a Comment